إلى المبتدئين والجدد في استخدام المنتدى

تحياتي

هالموضوع أبداً ما معلمية عليكن ولا شي اعوذ بالله بس لاحظت كتير من اللي عم يسجلو عم يدخلو بشكل يومي وفي منن عم يشاركو بس ما عم يعرفو ادوات المنتدى بالشكل المناسب ومن هالمنطلق هاد شرح بسيط ومختصر واذا في أي سؤال بتمنى تحطوه بهالموضوع .

أولا :
التعليق على موضوع أعجبك :
يوجد على يمين المنتدى قائمة بآخر المواضيع التي شاركو فيها الأعضاء خلال أخر يومين تقريباً .
إذا عجبك موضوع اكبس عليه بعدين بس تقراه ... إذا حبيت تضيف تعليقك الخاص أو ملاحظة عالموضوع .. ما عليك إلا تكبس على إضافة رد .. بتكتب اللي بتحبو وبتنسق النص وأدوات النص هي نفسها أدوات وورد .. بعدين بتكبس ارسال المساهمة ... وانتهت القصة ... والموقع لحالو رح يفرجيك كيف بتطلع مساهمتك .
ثانياً :
اضافة موضوع خاص بك :
إذا عجبك موضوع عالنت أو حبيت تكتب مقالة أو تكتب رأيك أو استفسار ما عليك إلا تدور بالصفحة الرئيسية على القسم اللي بناسب موضوعك بعدين تدخل عليه .
بس تفوت على القسم فيه بأول الصفحة وبآخرها كمان : موضوع جديد . اكبس عليه والصق النص بالمستطيل الخاص أو اكتب النص الخاص فيك وبعدين اكبس ارسل مساهمتك بس تخلص .

ثالثاً :
إضافة صورة لموضوعك .
بعد ما بتعمل موضوع جديد : فوق مستطيل النص في أدوات
إذا الصورة جايبها من النت انسخ رابط الصورة
اكبس على ايقونة صورة

واكبس نعم رح يطلع رابط بالمستطيل هي الصورة لما تعمل ارسال الموضوع بتطلق صورة ما بتطلع رابط .
إذا الصورة على كمبيوترك :
بتكبس على أيقونة
بتختار الصورة من كمبيوترك وين حاطتتها .
بتعملها host
بيفتحلك موقع بتدور على direct link بتنسخ الرابط
بعدين بترجع على مستطيل الرد وبكبس مرة تانية على صورة
وبتلصق الرابط
.
إذا عندك ملف وورد أو ملف ما كتير كبير بدك تحملو عالموقع في تحت مستطيل الكتابة شي اسمو ارفاق ملف .
بتعمل choose file بتجيب ملفك من الكمبيوتر و بعدين ارسال أو submit و الملف بتشوفو بنفس المنطقة انو صار مرفق وهيك بتكتب النص اللي حابو و بتعمل ارسال مساهمتك بشكل طبيعي .
هي الأشيا الأساسية بالمشاركة بالموقع
وبتمنى إذا في أي سؤال لا حدا يتردد كلنا تعذبنا لحتى عرفنا نشارك .
تحياتي