وجع , بلا , عرض , قلب
بناتنا العزيزات
اللي يبغوا يتزوجوا باللي هي به
نصايح فسفوريه واقعيه لكن قبل أن تتهوروا
وهي عن كيفية إنتقاء عريس الغفله
أنصحك بالأتي :
أبتعدي كل البعد عن العريس العسكري وبجميع القطاعات
فهذا الرجل ستعيشين معه بقلق في كل مكان ..
حياتك معه بتكون تحت المجهر ولن تحلمين بخصوصيه لامع خوات ولاصديقات ولاقريبات
عفشك كل شويه منكوش تقولي جايه إعصار ...حياته بيقلبها على نظام عمله وبيطبقه بالبيت
وكل الناس عنده خربانين ومنتهين
خليه طيعيني
&
العريس الموظف بالمباحث هجي منه
تدري أنه حالف حلف على اقرب الناس له يبلغ عنهم ..
يقعد مع اهلك يتلقط عليهم عشان يجيب صيده للوطن
&
ماهو عليه حلف وعنده ذمه....يعني بس شهر بعد الزواج واهلك كلهم
بجزر الواق واق واحتمال أنتي معهم
مختفين عن وجه الأرض
خليه طيعيني
المدرس
((ياحياتي عليك يامربي الاجيال))
العريس المدرس ...فكل مدرس ينرحم وتحسي ودك تحظنينه
له شكل دائما مرهق ولايعرف تشخيصه
ودايماا يلبس نظارات ...ونفسه على راس خشمه
وصوته عالي>>> ((هذي صح 100%))
وكلامه كثييير... متعود على الشرح
وايام الدوام ينام من تسعه ...والويكند كشتات مع اخوياه
والا أستراحات
خليه طيعيني
العريس الدكتور ...ذا هجي وبقوووه
ليه .. لأنه يقعد في المستشفى اكثر من عندك
ويقابل كل يوم من الحريم أشكال والوان .. مريضات وممرضات ودكتورات
وعاملات نظافه
((كل دكتور وذوقه))
طيعيني لاتفكري فيه ابداا
والعريس الشايب حتى لو مقرش
لأن الشايب مايخلي طبعه وغصب بيعيش عمره
تلقيينه مرتمي بالأسياب
يزعجك بكحته وغثاه
وبتحسي بفرااغ عاطفي كبير
لأن وينه ووين العاطفه والحب
مشاعره يااابسه من زماااان
تبغي تموتي بدري خوذيه
فطيعني لا تفكري فيه
حتى لو إنه ملياردير
الوسيــــــم
الشاب الوسيم بتروحي وطي من الحسره والقهر وراه
تطردي هالبنات وراه . وهو مبسوط . وين مارحتي شويه وياكلوه
وفيه نوعيات قذره من البنات
وأن جت بنت حلال وتخاف الله بتعرض نفسها عليه لو مسياار
وبيقعد يذلك بزينه وكل شويه يتحلس ويتملس
على البنات متعووووووووود ^:^
ويزاحمك على التسريحه كريماته وعطوراته اكثر منك
اقووووول انتبهــــــــــــــي تاخذينه
طيعيـــــني
الشيـــــخ >أثابه الله... مو شين بس حطي براسك غصب عن ابو جدك
راح يصكيصكك بـأربع وكل شويه شايت وحده وجايب الرابعه
والرابعه مااراح تخلص
فنصيحه يابنت النااس
لاتاخذينه
طيعيــــــني
من طرف zaynab الإثنين أغسطس 12, 2013 5:02 am
